Работилница за „Стандардни оперативни процедури“

Во Општинската организација на Црвен крст Прилеп, со помош на Црвениот крст на Македонија и поддршка на Германски Црвен крст се имплементира еднодневен семинар–работилница на која присуствуваа преставници  од ЦУК, ДЗС, Полициска станица Прилеп, Т.П.П.Е. Пожарна,Локална самоуправа , Здравствени институции , Водостопанство “Прилепско поле”, преставници и од општините кои се на територија на Прилеп, членови на ЕОК и на комисијата за подготвеност при катастрофи  на Општинската организација на Црвен крст Прилеп, средните училишта, Ј.К.П.”Водовод и канализација” и други.

Презентациите беа  на тема ”Стандардни оперативни процедури”од аспект на институции: ЦУК, ДЗС, Црвен крст, во одлична работна атмосфера и долга но продуктивна дискусија се донесе заклучок од потреба за донесување на унифицирани единствени стандардни оперативни процедури на ниво на држава кои ќе овозможат  поголема ефикасност и  кординираност помеѓу институциите.