17 Март, Денот на формирањето на Црвен крст на Република Северна Македонија и Денот на крводарителството

По повод Денот на формирањето на Црвен крст на Република Северна Македонија и Денот на крводарителството, кој се одбележува секоја година на 17ти март, Црвен крст на Република Северна Македонија – Општинска организација Центар на ден 19.03.2024 година организираше свечен настан во просториите на Музејот на холокаустот.

На настанот присутни беа, д-р Саит Саити, Генерален секретар на Црвен крст на РСМ, г. Ивица Бошков, Претседател на Црвен Крст на РСМ – Општинска организација Центар, г. Горан Герасимовски, Градоначалник на Општина Центар, г. Марко Карбини, Аташе, ЕУ Делегација во Скопје како и претставници од институции, компании на територија на Општина Центар, крводарители и волонтери од Клубот на млади при Општинска организација Центар.

Свое обраќање пред присутните имаа Генералниот секретар на Црвен крст на РСМ, Градоначалникот на Општина Центар и Претседателот на Црвен крст на РСМ – Општинска организација Центар кои воедно доделија признанија и благодарници на следниве институции, компании и личностите кои дале особен придонес за развој на крводарителството:

• Делегација на ЕУ во Република Северна Македонија;
• Стопанска банка АД Скопје;
• НЛБ банка АД Скопје;
• Шпарскасе банка;
• Уника Осигурителна компанија;
• АД Макпетрол;
• ЈП Комунална хигиена Скопје,
• Македонски телеком;
• Агенција за катастар и недвижности;
• Комерцијална банка АД Скопје;
• Средно медицинско училиште на град Скопје “Панче Караѓозов“;
• Миле Петковски – 100 крводарувања;
• Светлана Станковиќ – 50 крводарувања;
• Јадранка Ставревска – 25 крводарувања;
• Александар Блажевски – 25 крводарувања;
• Симеон Ангелов – 10 крводарувања;
• Антонио Атанасовски – 10 крводарувања;
• Билјана Велјановска – 10 крводарувања;
• Ивана Корталовска – 10 крводарувања;
• Иса Мемиши – 10 крводарувања.